నేస్తమా!
కదిలిస్తే చాలు గుండె ఒలికి పోతుంది
పలకరిస్తే చాలు మనసు పులకించి పోతుంది
తాకితే చాలు తనువులో విద్యుత్తు ప్రవహిస్తుంది
ఎలా ప్రారంభిచను ప్రియా
నీ కోసం ఈ గేయాన్ని
స్మరిస్తాను నిన్నే
విస్మరిస్తాను అన్నీ
నాలోని నిన్ను మినహా
ఆహ్వానం లేకుండానే
నా హృదయంలో ప్రవేశించి
నా జీవిగా చెరగని ముద్ర వేసావు
విరామమెరుగని ఈ హృదయ యాత్ర
నీ కోసమై దిగ్దిగంతాలు సాగుతూనే ఉంది
ఎంత నీ నుండి దూరమైనా
ఏదో విధాన, ఏదో రూపాన
నా దృష్టిని నీ వైపు మరల్చుకుంటున్నావు
నీవు రావు నన్ను పోనీవు
మరల్చి, మత్తెక్కించి,స్వప్నాలతో లాలించి
మధుర గానాలతో ఊగించి
ప్రపంచానికి వ్యర్థుణ్ని చేసావు
దిగులు కళ్ళతో,
వెర్రి చూపులతో,
మరపు మాటలతో,
అన్ని విశ్వాసాలు నశించి
తోవ తెలియక తిరుగుతున్నాడీ ప్రేమ బైరాగి.
నీ కోసం వెతికి వెతికి అలసి
చిక్కి శల్యమయ్యే ఈ నిర్భాగ్యుణ్ని చూసి
దిక్కులే నవ్వాయి, చుక్కలే ఏడ్చాయి…
నా జీవితం
అనంత సాగరంలా అనిపిస్తుంది నాకు
ఇందులో బడబాగ్నులూ ఉన్నాయి
ముత్యపు చిప్పలూ ఉన్నాయి
రెండూ అరుదైనవే, అమూల్యమైనవే
సముద్రపు కెరటాలు ఒకదానికొకటి పోటీ పడుతుంటాయి
జయాపజయాలకు అతీతంగా
అదొక నిరంతర పోరాటం
సముద్రపు కెరటాల చైతన్యం
జీవితాల్లో కనిపిస్తుంది నాకు
నిరంతరంగా..
జీవనదిలా..
జీవితం ప్రవహిస్తూనే ఉంటుంది
Posts Tagged ‘కవిత’
ప్రేమ బైరాగి
Posted in Poetry, tagged కవిత, కవితలు, తెలుగు సాహిత్యం, ప్రియా, ప్రేమ, ప్రేమ కవితలు, ప్రేమ బైరాగి, బైరాగి, మనసు, హృదయం, poem, Poetry on డిసెంబర్ 18, 2011| 3 వ్యాఖ్యలు »
నీ చూపులే…
Posted in Poetry, tagged కవిత, కవితలు, తెలుగు సాహిత్యం, ప్రియతమా!, ప్రేమ, మజిలీ, లేఖిని, వంచన, వ్యాసాలు, సమాజం, హృదయం, Love, poem, Poetry on జూలై 3, 2011| Leave a Comment »
నీ కను బొమ్మలు మన్మధుని విల్లై
నీ చూపులే మన్మధుని బాణాలై
నాలో విరహాల మంట పెడుతున్నాయి
నీ పెదవులు హరివిల్లై
నీ నవ్వులు విరిజల్లై
నాలో కలల పంట పండుతున్నాయి
నీ కులుకులు శృతిలయలై
నీ పలుకులు సప్త స్వరాలై
నాలో వలపు కచేరి పెడుతున్నాయి
నీ నడక హంస కులుకులై
నీ నడుమొంపులు నెలవంకలై
నాలో గిలిగింతలు పెడుతున్నాయి
నీ కురులు కరిమబ్బులై
నీ ఎదలయలు జడివానలై
నా కవ్వింపుల జల్లులై పడుతున్నాయి
నీ పదసడి మేలుకొలుపులై
నీ తలపులు రామచిలకలై
నాలో కోరికల పరుగు పెడుతున్నాయి
నా స్వప్నం…
Posted in Poetry, tagged కవిత, కవితలు, తెలుగు, తెలుగు సాహిత్యం, నేను, ప్రియతమా!, ప్రేమ, లేఖిని, హృదయం, Love, poem, Poetry, telugu saahityam on జూన్ 22, 2011| Leave a Comment »
వెలుగుపై చీకటి దాడి చేస్తున్న వేల
నిశీధి కలలు రెక్క విచ్చుకుంటున్నాయి
అనంత కోటి నక్షత్రాలు ఆకాశంలో మెరుస్తూ
వెలుగునంతటినీ నా ప్రేయసిపై కురిపిస్తున్నాయి
ప్రతి రోజు నిద్రకు ముందు నీ గురించి ఆలోచిస్తాను
కానీ.. నా స్వప్న లోకంలో నువెప్పుడూ కలవటం లేదు
ఏమో ఈనాటి రాత్రయినా అదృష్టం వరిస్తుందేమో
ఆ ఆనందాన్నంతటినీ ఒడిసి పట్టుకుంటాను
నేను అదృష్టవంతున్నయితే ఈ రేయంతా మనదే
పోనీ ఓ క్షణమైనా చాలు
నువ్విచ్చే తీయటి ముద్దులకు
నా సర్వస్వాన్నీ నీకు దాసోహం చేస్తాను
నా గుండెలో అనంతమైన ప్రేమ ఉంది
ఈ ప్రపంచంలో ఎవరితోను పంచుకోలేను
మృదువైన నీ శరీరం నా పక్కనే ఉన్న అనుభూతి
తక్కినవన్నీ తుచ్చమైపోతున్న భావన
వేడి నిట్టూర్పుల సెగలు చుట్టేస్తున్నాయి
మనిద్దరం వలపు వానలో తడుస్తున్నాం
నేనెప్పుడూ ఊహించలేదు
మనం స్వర్గాన్ని కనిపెడతామని
ఏమో…
ఏదో ఒకరోజు…
నా కల నిజమవుతుందేమో
అప్పటి వరకు నేను నిన్ను ప్రేమిస్తూనె ఉంటాను.
ఏ దాహమూ తీరదు!
Posted in Poetry, tagged అణువణువు, కవిత, కవితలు, తెలుగు, తెలుగు బ్లాగులు, తెలుగు సాహిత్యం, నేను, ప్రియతమా!, ప్రేమ, హృదయం, Love, Missing, poem, Poetry, telugu saahityam on జూన్ 16, 2011| Leave a Comment »
నా కలల నిండా
అందమైన ప్రవాహం
మెరుపై కనిపిస్తుంది
ప్రేమ నిండిన చూపులు
మస్తిష్కాన్ని బద్దలు కొట్టి
నన్నల్లుకుంటున్నాయి
నా హృదయం నిండా
ప్రియమైన స్పర్షానుభూతి
స్మరణకు వస్తోంది
అందమైన దేవత
తన నవ్వుతో
నా మనసుకు గాలాలేస్తోంది
సెలయేటిని తలపించే మరీచికా
చూపుల గాలాలేసే జవ్వని
రెండూ ఒకటే
ఏ దాహమూ తీరదు.
From the GEETANJALI
Posted in Poetry, tagged కవిత, కవితలు, తెలుగు బ్లాగులు, తెలుగు సాహిత్యం, హృదయం, poem, Poetry, Telugu, telugu saahityam on ఏప్రిల్ 30, 2010| 2 వ్యాఖ్యలు »
రాత్రంతా కురిస్తే
మౌనంలోనే…
Posted in Poetry, tagged కవిత, కవితలు, తెలుగు, తెలుగు బ్లాగులు, తెలుగు సాహిత్యం, నేను, ప్రియతమా!, ప్రేమ, మౌనం, లేఖిని, హృదయం, poem, Poetry on ఏప్రిల్ 28, 2010| 2 వ్యాఖ్యలు »
యవ్వనం – వయసు
Posted in Poetry, tagged కవిత, కవితలు, కవిత్వము, తెలుగు, తెలుగు బ్లాగులు, తెలుగు సాహిత్యం, ప్రియతమా!, ప్రేమ, యవ్వనం, లేఖిని, వయసు, హృదయం, poem, Poetry on ఏప్రిల్ 27, 2010| 2 వ్యాఖ్యలు »
కొన్ని అందమైన వాక్యాలు!
Posted in Poetry, tagged కవిత, కవితలు, చరిత్ర, తెలుగు, తెలుగు బ్లాగులు, తెలుగు సాహిత్యం, ప్రేమ, లేఖిని, హృదయం, poem, Poetry, Telugu, telugu saahityam on ఏప్రిల్ 25, 2010| Leave a Comment »
ప్రేమ.. ప్రేమ…
Posted in Poetry, tagged అణువణువు, కవిత, కవితలు, తెలుగు, తెలుగు బ్లాగులు, తెలుగు సాహిత్యం, నేను, ప్రేమ, మజిలీ, మల్లె పూవు, హృదయం on ఏప్రిల్ 22, 2010| 2 వ్యాఖ్యలు »
విద్యుద్ఘాతం…
Posted in Poetry, tagged ఉరి, కవిత, కవితలు, చరిత్ర, తెలుగు, తెలుగు బ్లాగులు, తెలుగు సాహిత్యం, నేను, ప్రియతమా!, ప్రేమ, మజిలీ, మల్లె పూవు, లేఖిని, హృదయం on ఏప్రిల్ 20, 2010| Leave a Comment »
FROM MY HEART 