ప్రేమ.. ప్రేమ…

నువ్వంటె ప్రేమ

నీ ప్రేమంటె ప్రేమ

ఉరుమంటే ప్రేమ…

మెరుపంటే ప్రేమ…

మబ్బు విరుపుల్లో

మెరుపు తలపంటి

నీ నవ్వంటే ప్రేమ.

కడలంటే ప్రేమ…

కవితంటే ప్రేమ

కడలి పొంగుల్లో

అలల ఊపంటి

నీ మాటంటే ప్రేమ

నెమలంటే ప్రేమ

నెనరంటే ప్రేమ

నెమలి నాట్యమంటి

నీ నడకంటే ప్రేమ

పూలంటే ప్రేమ

గాలంటే ప్రేమ

పూల గాలుల్లో

లాలి పటలాంటి

నీ వలపంటే ప్రేమ.

Read Full Post »

విద్యుద్ఘాతం…

ప్రియతమా!

ఇది కలా నిజమా!

నా వేపు చూసి చిరునవ్వు చిందించావు

అది నీ నవ్వా!

కాదు…

నవనాడుల్నీ నిర్వీర్యం చేసే

విద్యుద్ఘాతమనుకుంటా…

అందుకేగా నా హృదయం గాయపడింది

నేనింకా తేరుకోనేలేదు…

నీలో గొప్ప విశేషమే ఉంది

అందుకే…

నా భావాలన్నీ నీతో పంచుకోవాలనే ఆరాటం

నీ ప్రేమ నాకు కొత్త లోకపు ద్వారాలను తెరచింది

నిన్ను చూస్తే చాలు

గుండె ఎగసి పడుతుంది

ఊపిరి ఆగినట్లుంటుంది…

ఒకప్పుడు…

ప్రేమంటే అంతా తెలుసనుకున్నాను

అది యదార్థం కాదు

మరో హృదయం కోసం

నా హృదయం ఇంతగా తపించలేదెప్పుడూ

నీ కళ్ళు… నీ నవ్వు…

నీకు సంబందించిన ప్రతిదీ

నాకే స్వంతమనిపిస్తుంది

నా భావల్ని నీకు వినిపించడానికి

మాటలెన్నో వెతుక్కుంటాను

కానీ…

ఏ పదాలు యదార్థాన్ని వివరించలేవు

బంగరు భవన సముదాయంలో

నువ్వెలా ఉన్నావో చూడాలని వచ్చాను

వాస్తవంగా నువ్వెవరితోనో ఉన్నావు

నేను వరండా చివరన నీ కోసం నిరీక్షిస్తున్నాను

నీవు నావేపు రావాలని

నా కళ్ళలోని బాధ  చూడాలని ఆశించాను

నాకు తెలుసు అతనొక స్పందన లేని వాడని

నాకు తెలుసు నిన్నతను ప్రేమించడం లేదని

నాకు తెలుసు నీ హృదయమెక్కడుందో

నాకు తెలుసు నీ మానసిక స్థితేమిటో

వాని నుంచి బయటపడి చెప్పు

నువెప్పటికీ చెప్పలేవు

తెలియని  కారణాల వలన మనం కలుసుకోలేము

నీ మీది ప్రేమను ఎప్పటికీ వదులుకోలేను

ఎల్లప్పుడూ నిన్ను ప్రేమిస్తూనే ఉంటాను

భౌతికంగా నువ్వెక్కడున్నా

నా హృదయంలో శాశ్వతంగా ఉంటావు.

Read Full Post »

నేనెంత…

నీ నవ్వు చూస్తే
మల్లె పూవు తెల్లబోతుంది
నీ మోము చూస్తే
నిండు వెన్నెల వెల వెలబోతుంది
నీ నడక చూస్తే
నెమలి నాట్యమాడదు
నీ మాట వింటే
కోకిలమ్మ రాగాలాపుతుంది
నేనెంత…

Read Full Post »