నీ కను బొమ్మలు మన్మధుని విల్లై
నీ చూపులే మన్మధుని బాణాలై
నాలో విరహాల మంట పెడుతున్నాయి
నీ పెదవులు హరివిల్లై
నీ నవ్వులు విరిజల్లై
నాలో కలల పంట పండుతున్నాయి
నీ కులుకులు శృతిలయలై
నీ పలుకులు సప్త స్వరాలై
నాలో వలపు కచేరి పెడుతున్నాయి
నీ నడక హంస కులుకులై
నీ నడుమొంపులు నెలవంకలై
నాలో గిలిగింతలు పెడుతున్నాయి
నీ కురులు కరిమబ్బులై
నీ ఎదలయలు జడివానలై
నా కవ్వింపుల జల్లులై పడుతున్నాయి
నీ పదసడి మేలుకొలుపులై
నీ తలపులు రామచిలకలై
నాలో కోరికల పరుగు పెడుతున్నాయి
వ్యాఖ్యానించండి