వేకువకి వేకువకీ మధ్య ఎన్ని ఆశలో
అవన్నీ అనుభవంలోకి రాకుండానే గడుస్తోంది కాలం
నిశ్శబ్దంగా జారుకుంటోంది కాలం
కానీ…
నా ఆలోచనలకు పొంతన లేదు
నా ఆవేశానికి అర్ధం లేదు
రాత్రి గడుస్తోందటే చాలు
ఉదయం గురించి భయం
భుజాన పడ్డ బాధ్యతలని నెరవేర్చే తపనలో
కాలేకడుపును అర చేత పట్టుకుని
అవసరాలు తీర్చే సౌకర్యాల కోసం పరుగెడుతున్నాను
యుద్ధం…
చావు బ్రతుకుల మధ్య యుద్ధం
నిలకడ కోసం చేసే ప్రయత్నం ఫలిచడం లేదు
ఓటమి అంచుల్లో స్వాభిమానం ఇంటికి రానివ్వదు
ఉన్నచోట ఉనికికి ఊతం లేదు
కాళ్ళరిగేలా తిరిగే క్షణాన నన్నావహిస్తున్నారు
అరిషడ్వర్గాలకావల మీ ఉనికి
సప్త వ్యసనాలకీవల మీ స్తబ్దత
అనుకుంటూ…
బ్లాక్ మార్కెట్ల నుంచి
దోపిడీ బజారుల నుంచి
అడ్డ దారుల్లో మనుగడకై
అర్రులు చాచేలా చేస్తున్నారు.

ప్రేమ ప్రేమకై ప్రేమించబడుతుంది
అది బాహ్య సౌందర్యం ద్వారా లోపలి ఆనందం నిరూపించడానికి ప్రయత్నిస్తుంది.

ప్రేమ యొక్క బహుమతి, ఇవ్వ బడదు
ఇది అంగీకరించే వరకు వేచి ఉంటుంది.

–రవీంద్రనాథ్ ఠాగూర్

భూమిపై అత్యంత ప్రభావవంతమైన ఔషధం
ప్రేమ షరతులు లేనిది

కాంక్ష నిండిన లోకంలో
ప్రేమ లేకుండా ఎవరు ఉండగలరు

– శ్రీ చిన్మయ్

మనం నిజంగా ప్రేమను కోరుకుంటే
మనం ఖచ్చితంగా మన్నించడం నేర్చుకోవాలి

శక్తి ఉన్న చేతులు
విధ్వంసాన్ని సృష్టిస్తాయి
ప్రేమ నిండిన చేతులు
సృజనాత్మకంగా ఉంటాయి

- మదర్ తెరెసా